Paytaxtın Xətai rayonu, 48 saylı tam orta məktəbdə şagirdlərin yemək bişirməsi ilə bağlı DİN açıqlama verib. Bu haqda bu gün, 6 oktyabr tarixində Bakuplus.az APA-ya istinadən xəbər verir.
Qurumdan bildirildi ki, sözügedən videogörüntülər ötən tədris ilində, 16 may 2022-ci ildə çəkilib.
“Uşaqlar həmin gün özləri ilə bir sıra ləvazimatlar gətiriblər və dərsdən sonra sinif otağında yemək bişiriblər. Məsələdən xəbər tutan kimi məktəb rəhbərliyi tərəfindən müvafiq tədbirlər görülüb, sinif rəhbəri, valideyn və uşaqlarla söhbət aparılıb. Sinif rəhbəri dəyişdirilib. Videonu çəkən şagird isə ikinci ilə qalıb və dərs ilinin sonunda məktəbdən çıxıb”, - deyə DİN-dən əlavə ediblər.
Daha öncə, 5 oktyabr tarixində sosial şəbəkələrdə şagirdlərin sinif otağında pomidor-yumurta bişirmələrini əks etdirən görüntülər yayılmışdır.
