Azərbaycan Yerüstü Nəqliyyat Agentliyi (AYNA) bir sıra avtobus marşrutlarını müsabiqəyə çıxarıb. Bu haqda bu gün, 30 noyabr tarixində Bakuplus.az quruma istinadən məlumat verir.
Müsabiqəyə 54 nömrəli şəhərdaxili, 167 və 196 nömrəli qəsəbələrarası, 186, 217, 508 və 557 nömrəli şəhərətrafı, Bakı-Ağdaş, Bakı-Şirvan, Bakı-Şabran, Bakı-Qəbələ, Bakı-Kürdəmir, Bakı-Ağcabədi, Bakı-Şamaxı şəhərlərarası avtobus marşrutları çıxarılıb.
Sənədlər 29 dekabr saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Tarzən Hacı Məmmədov küçəsi, 5; əlaqələndirici şəxs: Elsevər Qədimov – tel.: 012-567-99-76, 050-855-53-55, e-poçt: elsevar.gadimov@ayna.gov.az) qəbul ediləcək.
İddiaçıların təkliflərinə yanvarda baxılacaq.
Lotlar üzrə marşrutların qrafikləri haqqında məlumatı buradan əldə etmək mümkündür.
