Azərbaycan Yerüstü Nəqliyyat Agentliyi (AYNA) daha bir neçə avtobus marşrutunu müsabiqəyə çıxarıb. Bu haqda bu gün, 26 dekabr tarixində Bakuplus.az AYNA-ya istinadən məlumat verir.
Müsabiqədə paytaxtın 12 və 60 nömrəli şəhərdaxili, 168 nömrəli şəhərətrafı, Bakı-Göyçay, Bakı-Kürdəmir, Bakı-Zaqatala, Bakı-Mingəçevir, Bakı-Oğuz müntəzəm avtobus marşrutları təqdim olunub.
Sənədlər 24 yanvar 2024-cü il saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Hacı Məmmədov küçəsi, 5; əlaqələndirici şəxs: Elsevər Qədimov – tel.: 012-567-99-76, 050-855-53-55, e-poçt: elsevar.gadimov@ayna.gov.az) qəbul ediləcək.
İştirakçılardan sənədlərini təqdim edərkən yanvar ayında bayram günlərini nəzərə almaları xahiş olunur.
İddiaçıların təkliflərinə komissiya tərəfindən fevralın 6-dan 16-na kimi baxılacaq.
Lotlar üzrə marşrutların qrafikləri haqqında məlumatı buradan əldə etmək olar.
