Bunu apa.az-ın sorğusuna cavab olaraq Mədəni İrisin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynli bildirib.
Onun sözlərinə görə, bu sahədə üstün hüquqi sənəd həmin qərar olduğu üçün orada verilmiş tarixi məlumatlar əsas götürülüb və məlumat lövhəsi də ona uyğun hazırlanıb.
“Qeyd olunan siyahıda bir sıra abidələrin tarixi, ünvanları ilə bağlı yanlışlıqlar mövcuddur. Həmin siyahının yenilənməsi üçün artıq Mədəniyyət Nazirliyi yanında daşınmaz mədəni sərvətlərin müəyyən edilməsi üzrə Ekspert Şurası yaradılıb. Tarix və mədəniyyət abidələrinin siyahısına dəyişikliklər edilməkdədir və adları, ünvanları, eləcə də tarixləri düzgün göstərilməyən abidələr barədə məlumatlara düzəlişlər olunur”, - Fariz Hüseynov vurğulayıb.
O, deyib ki, həmin hamamın pasportlaşdırılması zamanı tarixi məlumatına düzəliş edilib və kitabədə göstərilən tarix qeyd olunub: “Müvafiq siyahıda da dəyişiklik ediləcək”.
Qeyd edək ki, Keşlə qəsəbəsində yerləşən tarixi hamamın üzərindəki daş kitabədə 1899-cu ildə inşa edildiyi göstərilsə də divara yapışdırılmış lövhədə XVII əsrə aid olduğu yazılıb.
