DSX-nə məxsus helikopterin qəzaya uğraması səbəbi açıqlanıb. Bu haqda bu gün, 20 dekabr tarixində Baş Prokurorluğun mətbuat xidməti məlumat yayıb.
Belə ki, ekipaj, küləyin sürətini nəzərə almadan 10 saniyə içində sürəti 141 km/saatdan, 0 km/saata qədər endirib. Sonrakı müddət ərzində pilotlar idarəetməni bərpa etmək istəsələr də, buna nail ola bilməyiblər.
Hava nəqliyyatında nasazlıq aşkarlanmayıb. Belə ki, o, 2012-ci ildə Kazan şəhərində istehsal olunub. 2015-ci ildə Çex Respublikasının mütəxəssisləri tərəfindən təkmilləşdirilib. 2020-ci ilin sentyabr ayında texniki baxışdan keçirilib, 2021-ci ilin aprel ayında isə texniki qulluq göstərilib
Qəza zamanı ekipaj üzvlərinə və ya helikopterə xaricdən müdaxilə olunması müəyyən edilməyib.
30 noyabr tarixində “Qaraheybət” aviasiya poliqonunda Dövlət Sərhəd Xidmətinin helikopteri təlim uçuşları zamanı qəzaya uğramışdır. Nəticədə 14 nəfər hərbçi həlak olmuş, 2 nəfər yaralanmışdır.
