Dövlət Təhlükəsizlik Xidməti sosial şəbəkələrdə dezinformasiya yayıldığını vurğulayıb. Bu haqda bu gün, 12 mart tarixində Bakuplus.az quruma istinadən xəbər verir.
Bildirilir ki, keçirilən tədbirlər zamanı sözügedən sosial şəbəkə səhifəsinin xaricdən idarə olunduğu məlum olub. Həmçinin xarici tərəfdaşlarla həyata keçirilmiş birgə əməliyyatda sosial şəbəkə kanalını yaradan şəxslərin ölkə ərazisində hər hansı təhdid doğurmaq imkanında olmadıqları və onların Azərbaycan ilə heç bir əlaqələrinin olmadığı müəyyən edilib.
Bundan əlavə, 229 saylı tam orta məktəbə aid fotoşəkli həmin məktəbin azyaşlı şagirdinin çəkdiyi və eyni adda və məzmunda yaradılan kanala yerləşdirdiyi müəyyən edilib. O, məsuliyyətə cəlb olunub.
“Bu kimi qeyri-ciddi məlumatlara inanmamağa, belə aşkar əsassız məlumatları geniş auditoriyaya yayaraq təşviş yaradanları qınamağa çağırır, bu qəbildən olan informasiyaların aidiyyəti orqanlar ilə birgə daim ətraflı yoxlanıldığını bildiririk", – deyə qurum əlavə edib.
