İcbari Tibbi Sığorta üzrə Dövlət Agentliyinin yenilənmiş “e-Təbib” mobil tətbiqi təqdim olunub. Bu haqda bu gün, 15 mart tarixində Report məlumat verib.
Agentliyin İnformasiya Texnologiyaları və İnnovasiyalar şöbəsinin müdiri Nicat Kərimov qeyd edib ki, tətbiqə yeniliklər əlavə edilib. Əvvəlki versiyada tətbiqin funksiyaları yalnız koronavirus infeksiyası ilə məhdudlaşırdı: "Vətəndaşlar proqrama müraciət etdikdə həkimin müəyyən etdiyi diaqnozları və tibb müəssisəsinin göstərdiyi xidmətləri görə biləcəklər. Eyni zamanda vətəndaşlar tibb müəssisəsinə edilən müraciətləri proqram vasitəsilə qiymətləndirə də biləcəklər".
Kərimov qeyd edib ki, əldə olunan nəticələr əsasında dövlət qurumu və TƏBİB tibb müəssisələrini və onların işçilərini qiymətləndirəcək.
