Daşınmaz əmlak almaq istəyən şəxslərdən deklarasiya tələb olunacaq. Bu haqda bu gün, 12 yanvar tarixində Bakuplus.az Xəzər Xəbər-ə istinadən məlumat verir.
Verilən məlumata görə, 20.000 manatdan çox dəyəri olan daşınmaz əmlakın alqı-satqısı zamanı notarius alıcıdan pulun mənbəyini izah edən sənəd tələb etməlidir. Bu, sosial şəbəkələrdə geniş müzakirələrə səbəb olub.
Notariat işçilərinin sözlərinə görə, sistemdə belə bir tələb mövcuddur. Lakin hələ ki rəsmi sənəd tələb edilmir. Buna baxmayaraq, indi də alıcılardan şifahi formada bu məlumatlar soruşulur. Gələcəkdə isə vəsait mənbəyini təsdiq edən rəsmi sənəd tələb olunacaq. Bu proses bütün notariat ofislərində eyni üsulla keçiriləcək.
Ekspertlərin fikrinə görə, bu cür dəyişikliklər əmlak bazarına mənfi təsir göstərəcək.
Məsələ ilə bağlı Ədliyyə Nazirliyindən bildirildi ki, prosesi Mərkəzi Bankın yanında Maliyyə monitorinqi xidməti həyata keçirir. Qurumdan qısa müddətdə bununla bağlı açıqlama veriləcəyi deyildi.
