Paytaxtda iki gün hava şəraiti yağıntılı keçəcək, güclü külək əsəcək, şimşək çaxacaq. Bu haqda bu gün, 27 noyabr tarixində Bakuplus.az Milli Hidrometeorologiya Xidmətinə istinadən məlumat verir.
Fövqəladə Hallar Nazirliyi (FHN) əhaliyə müraciət edərək, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durmağı, elektrik dirək və naqillərinin, hündür ağacların altında dayanmamağı məsləhət görür.
Həmçinin ildırımın yaratdığı təhlükələrdən qorunmaq üçün elektrik cihazlarını şəbəkədən ayırmaq, telefonla (sabit şəbəkə, mobil, taksofon və s.) danışmamaq, açıq havada olarkən elektrik xətti, ildırım ötürücüsü, navalça və antenə yaxınlaşmamaq, hündür ağacların altında daldalanmamaq, avtomobildə olduqda isə hərəkəti dayandıraraq şüşələri qaldırıb ildırımın bitməsini gözləmək tövsiyə edilir.
Nazirlik xatırladır ki, təhlükə yarandıqda “112” nömrəsinə zəng etmək lazımdır.
