“Avroviziya 2024” mahnı müsabiqəsində Azərbaycanı iki nəfər təmsil edəcək. Bu haqda bu gün, 13 mart tarixində Bakuplus.az Qafqazinfo-ya istinadən xəbər verir.
Müsabiqədə səhnəyə müğənni İlkin Dövlətov də çıxacaq. O, “Avroviziya”da səsləndiriləcək mahnının muğam hissəsini ifa edəcək.
“Avropa, gözlə, muğam gəlir”, – deyə İ.Dövlətov sosial şəbəkə hesabında qeyd edib.
“Avroviziya-2024”də Azərbaycan tərəfindən Fəxri İsmayılovun iştirak edəcəyi barədə məlumat verilmişdi. Mahnı müsabiqəsinin yarımfinalları 7 və 9 may, finalı isə 11 may tarixlərində baş tutacaq.
