Paytaxtın Nərimanov rayonunda yerləşən yanacaqdoldurma məntəqəsində qanun pozuntusu aşkar olunub. Bu haqda bu gün, 12 noyabr tarixində Fövqəladə Hallar Nazirliyinin mətbuat xidməti məlumat yayıb.
“MSDIS Holding” MMC-nin icarəyə götürüb yenidənqurma işləri apardığı məntəqədə FHN-nin əməkdaşları yoxlama keçirib. Tikilinin fasadının yanan materiallar qrupuna aid olduğu məlum olub.
Bundan əlavə, yanğın təhlükəsizliyi sahəsində çoxsaylı nöqsanlar aşkar olunub.
Üzlüklərin sahibkar tərəfindən sökülməsi təmin edilib.
[URIS id=14177]
