Fövqəladə Hallar Nazirliyi (FHN) bayram günlərində təhlükəsizlik qaydaları ilə əlaqədar əhaliyə müraciət edib. Bu haqda bu gün, 14 mart tarixində Bakuplus.az məlumat verir.
Müraciətdə qeyd olunur ki, Novruz bayramı ayinlərlə, o cümlədən od yandırmaq, şam yandırmaqla səciyyələnir. Amma bəzən sadə qaydalara laqeyd yanaşmaq arzuolunmaz və dəhşətli nəticələrə gətirib çıxarır.
Qeyd olunanları nəzərə alaraq, nazirlik bir daha əhaliyə müraciət edir və Novruz bayramı günlərində tədbirlər keçirilərkən zəruri yanğın təhlükəsizliyi qaydalarına ciddi riayət olunmasını tövsiyə edir.
Təcili vəziyyətdə 112-yə zəng etmək tövsiyə olunur.
