Pul mənimsəməkdə ittiham olunan Çingiz Mehdiyevi arvadı ifşa edibmiş. Bu haqda bu gün, 30 mart tarixində Bakuplus.az Qafqazinfo-ya istinadən xəbər verir.
Bakı Şəhər Halqası Əməliyyat şirkətinin İdman Əməliyyatları şöbəsinin rəisi işləmiş Çingiz Mehdiyev barəsində təfərrüatlar ortaya çıxıb.
Belə ki, Ç.Mehdiyev 2006-cı ildə Amerikaya köçüb, oranın vətəndaşlığını qəbul edib. O, pasport alarkən ad-soyadını da dəyişib, Gino Metie kimi qeydə alınıb. Gino Metie 1 il sonra Nyu-York şəhərində Nərminə adlı xanımla evlənib, onların bir qızı dünyaya gəlib. 2019-cu ildən onların münasibətləri korlanıb, 2023-cü ildə boşanmaq üçün məhkəməyə müraciət ediblər.
Azərbaycana qayıtdıqdan sonra yenidən Çingiz Mehdiyev ad-soyadı ilə işə başlayan təqsirləndirilən şəxsi istintaqda ifşa edənlərdən biri elə arvadı Nərminə Ələkbərova olub.
Ələkbərova istintaqa verdiyi ifadəsində ərinin qanunsuz fəaliyyətlərindən danışıb, onun mənimsədiyi pullarla qardaşının adına Amerikada bahalı mülklər aldığını deyib. O, əri ilə üzləşməsində də onu ifşa edib. Nərminə, həmçinin Çingizin anasının adına Seyşel adalarında şirkət açdığını, həmin şirkətə küllü miqdarda pullar köçürməsindən də danışıb.
Bildirilir ki, C.Mehdiyevi vəzifəyə Arif Rəhimov təyin edib. O da məhkəməyə ifadə verib.
Araşdırmalar davam edir.
