Fransanın Azərbaycandakı səfiri Ann Buayon bu gün, 26 dekabr tarixində Xarici İşlər Nazirliyinə (XİN) çağırılıb. Bu haqda XİN açıqlama verib.
Daxil olan məlumat görə, səfirliyin iki əməkdaşı Azərbaycan hökuməti tərəfindən “persona non grata” (arzuolunmaz şəxs) elan olunub. Onların 48 saat ərzində ölkə ərazisini tərk etmələri tələb edilib. Bununla bağlı Fransa səfirinə XİN tərəfindən müvafiq etiraz notası təqdim edilib.
Bildirilir ki, hər iki işçi diplomatik statuslarına uyğun olmayan və “Diplomatik əlaqələr haqqında” 1961-ci il Vyana Konvensiyası ilə ziddiyyət təşkil edən fəaliyyətlərinə görə Azərbayacandan göndərilir.
