Gələn ildən Bakıda elektriklə işləyən avtobuslardan istifadənin artırılması nəzərdə tutulur. Bu haqda bu gün, 18 dekabr tarixində Bakuplus.az rəqəmsal inkişaf və nəqliyyat nazirinin müavini Rəhman Hümmətova istinadən məlumat verir.
“Növbəti ildən biz yeni elektrik avtobuslarını Bakı küçələrində daha sıx görəcəyik”, – deyə Rəhman Hümmətov qeyd edib. Nazir müavininin sözlərinə görə, hazırda Bakıda 400-ə yaxın avtobus müasir tələblərə cavab vermir.
Hümmətov Azərbaycanda mobilliyin transformasiyası proqramının təqdimatında onu da qeyd edib ki, 2024-cü ildə Azərbaycan “COP-29”a ev sahibliyi edəcək.
Sosial şəbəkələrdə yayılan məlumata görə, Azərbaycanda istifadə ediləcək avtobuslar Sumqayıtda yığılacaq. Yığılan avtobusların Çinin “BYD” şirkətinə məxsus olacağı deyilir. Hazırda Bakıda bir ədəd “BYD” elektrobusu test rejimində istifadə olunur.
