Gələn il “Bakı Metropoliteni” QSC-nin bütün stansiyaları mobil rabitə şəbəkəsi ilə tam əhatə olunacaq. Bunu İşarəvermə və rabitə xidmətinin rəisi Elçin Məmmədov bildirib. Bu haqda bu gün, 30 dekabr tarixində Bakuplus.az Report-a istinadən məlumat verir.
Onun sözlərinə görə, gələn ildən mobil rabitə şəbəkəsi “Xocəsən” stansiyasında da istifadəyə veriləcək.
“Hazırda “Xocəsən” stansiyası istisna olmaqla bütün stansiyalarda mobil rabitə şəbəkəsi mövcuddur. Yeni istifadəyə verilmiş “Xocəsən” stansiyasının isə yalnız yerüstü hissəsində şəbəkə mövcuddur. Tuneldə və stansiya daxilində şəbəkənin qurulması isə gələn il yekunlaşacaq. Bununla da metronun bütün stansiyalarında kəsintisiz mobil rabitədən istifadə mümkün olacaq”, – deyə metropoliten əməkdaşı qeyd edib.
