Geologiya İnstitutunda (indiki Geologiya və Geofizika İnstitutu) uzun illər çalışmış, elmlər doktoru, professor, Azərbaycan Respublikası Prezidentinin fərdi təqaüdçüsü, ikiqat Dövlət Mükafatı laureatı, Əməkdar Elm Xadimi 91 yaşlı Fərid Dadaşov vəfat edib. Bu haqda Report məlumat verib.
Dadaşov Fərid Həsən oğlu 1930-cu ildə Bakıda anadan olub. Azərbaycan Sənaye İnstitutununu (indiki ADNSU) bitirdikdən sonra “Neft yataqlarının geologiyası” kafedrasında işləyib.
O, “Günəşli” neft yatağının kəşfiyyatını həyata keçirən ilklərdən olub. 1988-ci ildə “Azərbaycan SSR-in neft-qaz yataqlarının və perspektiv strukturlarının xəritəsi”nə görə Azərbaycan SSRİ Dövlət Mükafatına layiq görülüb. “Şərəf Nişanı” ordeni və medallarla təltif edilmişdir.
15 il doktorluq dərəcələrinin verilməsi üzrə Elmi Şuranın sədri olub. O, 18 geologiya-mineralogiya elmləri namizədi, üç elmlər doktoru hazırlayıb.
