Bakıdakı “Gənclik Mall”da telefonlar oğurlayan cütlüyə hökm oxunub. Bu haqda bu gün, 25 noyabr tarixində Bakuplus.az Qaynarinfo-ya istinadən xəbər verir.
Oğurluqlar cari ilin müxtəlif aylarında “mall”un 1, 3 və 4-cü mərtəbələrində restoran və iaşə obyektlərdə baş verib. 26 yaşlı Miramin Hüseynov (soyad şərti) oğurluğu 30 yaşlı Nigar İmamliyeva ilə birlikdə törədib.
Ticarət Mərkəzində yerləşən “KFC” restoranının qarşısında masanın üzərində “Redmi Note 8” markalı, 1-ci mərtəbədə yerələşən tualetdə güzgünün üzərində nəzarətsiz olan “Redmi Note 11S” markalı, 3-cü mərtəbədə olan tualetdə müxtəlif qadınlara məxsus “İphone XS”, “Redmi Note 8”, “Redmi Note 9T”, “Samsung Galaxy A71” və digər markalara məxsus telefonlar oğurlanıb.
Həmçinin cütlük “28 May” metro stansiyasının yaxınlığında yerləşən Bakı Dəmir Yolu Vağzalının binasında yerləşən “KFC” restoranında oğurluq edib.
Onlar telefonları “28 May” və “20 Yanvar” metro stansiyalarının yaxınlığında yerləşən mağazalara ucuz qiymətə satıblar.
Məhkəmənin qərarı ilə hər iki şəxs cinayət əməlini törətməkdə təqsirli bilinib. Miramin Hüseynov 2 il 6 ay müddətinə azadlıqdan məhrum edilib, Nigar İmamliyeva isə 2 il 11 ay 26 gün müddətinə azadlığın məhdudlaşdırılması cəzasına məhkum olunub.
