Əməkdar mədəniyyət işçisi Gülçöhrə Şəfiyeva dünyasını dəyişib. Bu haqda bu gün, 23 dekabr tarixində Bakuplus.az mərhumun yaxınlarına istinadən xəbər verir.
Heydər Əliyev Sarayının keçmiş baş rejissoru və Prezident təqaüdçüsü bu gün 74 yaşında vəfat edib. Sənətkar uzun müddətdir şəkər xəstəliyindən əziyyət çəkirdi, iyun ayında 1 ayağı amputasiya edilmişdi.
Gülçöhrə Şəfiyeva Ü.Hacıbəyov adına Azərbaycan Dövlət Konservatoriyasını bitirib. Uzun illər Mədəniyyət Nazirliyi mərkəzi aparatında müxtəlif vəzifələrdə çalışıb. Həmçinin Heydər Əliyev Sarayının baş rejissoru kimi fəaliyyət göstərib.
