Polis əməkdaşları xarici ölkələrdən Azərbaycana mal idxal edən bir sıra şirkətlərdə əməliyyat-axtarış tədbirləri həyata keçirib. Bu haqda bu gün, 10 iyun tarixində Qafqazinfo məlumat verib.
Əməliyyat Bakının Qaradağ rayonu ərazisində yerləşən “Binə” və “Sədərək” ticarət mərkəzlərinin müxtəlif şirkətlərə icarəyə verilmiş anbarlarını əhatə edib.
Hüquq-mühafizə orqanları ölkəyə gətirilən vergidən yayınma, sənədlərin saxtalaşdırılması və digər əməllərdə şübhəli bilinən özəl şirkətlərdə axtarış aparıb.
Əməliyyatla bağlı ictimaiyyətin geniş məlumatlandırılması gözlənilir.
