Hərbi xidmətdə olarkən Bakıda avtoşluq edən şəxsin məhkəməsi başa çatıb. Bu haqda bu gün, 12 dekabr tarixində Qafqazinfo məlumat verir.
Cinayət işinə Bakı Hərbi Məhkəməsinin hakimi Elbəy Allahverdiyev tərəfindən baxılıb. Hökmə əsasən, Əziz Məlikova 6 ay müddətə hərbi hissədə intizam xarakterli saxlama cəzası verilib.
Aprelin 26-da gecə saat 01:30 radələrində Nəsimi rayonu, Cavadxan küçəsi ərazisində 99-BC-181 dövlət nömrə nişanlı "Chevrolet Cruze" markalı avtomobilin sürücüsü Əziz Məlikov əl əyləcindən istifadə edərək avtomobili bir neçə dəfə fırladıb. Sürücü asfalt örtüyü üzərində təkər izləri buraxaraq avtoxuliqanlıq edib və hadisə yerindən qaçıb.
Onun yeri bir neçə günlük axtarışlardan sonra müəyyən edilib və məlum olub ki, Əziz Məlikov hazırda hərbi hissədə xidmət keçir.
Əzizin atası Soltanpaşa Əzizov tanınmış iş adamıdır. O, Şamaxı rayon Məlhəm, Əngəxaran və Çuxuryurd bələdiyyələrinin sədridir.
