Bir neçə gün əvvəl Bakının Səbail rayonu, Lev Tolstoy və Əlimərdan bəy Topçubaşov küçələrinin kəsişməsində yerləşən marketdə vaxtı keçmiş qida məhsullarının satılması ilə bağlı məlumat yayılıb. Yayılan məlumat əsasında Azərbaycan Qida Təhlükəsizliyi Agentliyi (AQTA) tərəfindən araşdırma aparılıb. Bu haqda bu gün, 21 dekabr tarixində Bakuplus.az quruma istinadən məlumat verir.
Baxış zamanı fiziki şəxs Elman Salmanova məxsus “Okean” marketində KİV-lərdə yayılmış yararlılıq müddəti bitmiş dovğa məhsullarına rast gəlinməyib. Lakin yoxlama zamanı son istifadə müddəti bitmiş “Buva” əmtəə nişanlı 9 ədəd 0,33 litrlik qazsız təbii mineral su və digər məhsullar aşkar edilib. Həmin məhsullar satışdan çıxarılıb.
Marketin rəhbərliyinə xəbərdarlıq edilib, aşkar olunan yararsız mallarla bağlı protokol tərtib olunub.
[caption id="attachment_124061" align="alignnone" width="640"]
Foto AQTA[/caption]
