Xətai rayonunda üzərində zorakılıq əlamətləri olan pişik təkrar müayinədən keçirilib. Bu haqda 6 oktyabr tarixində Bakuplus.az-a məlumat daxil olub.
Belə ki, ötən gün “Həzi Aslanov” metro stansiyasının yaxınlığında üzərində zorakılıq əlamətləri olan pişik barəsində məlumat verilmişdir. Həmin pişiyi bu gün heyvansevər xanım himayəsinə götürüb və təkrarən veterinarın yanına müayinəyə aparıb. Müayinə zamanı məlum olub ki, pişik zorakılığa məruz qalmayıb. Onun üzərindən avtomobil keçib və pişiyin ayağı əzilib, boynu zədələnib. Heyvanın gözündəki qurdlar təmizlənib, yaraları işlənilib və lazımi dərmanlar alınıb.
Bundan əvvəl, ötən gün həmin pişik Xətai rayonunda tapılmışdır. Tapan şəxsin sözlərinə görə, pişiyin baytar həkiminin yanına aparılması və müayinədən sonra naməlum şəxs tərəfindən zorlanması diaqnozunun qoyulması haqda məlumatı ona Wolt işçiləri vermişdi. İşçilərin dediklərinə görə, həkimdən sonra pişik təkrarən tapıldığı yerə gətirilmişdir.
