Hacı Əliyev səhhəti ilə bağlı açıqlama verib. Bu haqda bu gün, 15 aprel tarixində Bakuplus.az Oxu.az-a istinadən xəbər verir.
Azərbaycanın 65 kiloqram çəki dərəcəsində mübarizə aparan sərbəst güləşçisi Hacı Əliyev səhhəti ilə bağlı məsələyə aydınlıq gətirib. Üçqat dünya və dördqat Avropa çempionu gözündəki mikrobla bağlı müalicə işlərinin yekunlaşdığını deyib.
“Sadəcə tam sağalmağımı gözləyirəm. Hər iki dizimdə olan problem hələ qalır. 10 gün fizioterapiya olunacağam. Amma fiziki məşqlərimi davam etdirirəm. İki həftədən sonra milli komandaya qoşulacağam”, – deyə idmançı qeyd edib.
Hacı Əliyev Bakıda keçirilən Avropa Olimpiya Təsnifat Turnirinin 1/8 finalında fransalı rəqibi Həmzət Arsamerzoyevlə görüşəndə qaşı partlayıb və tikişdən sonra gözünə mikrob düşüb.
