Aparıcı Cavid Gül sosial şəbəkədəki paylaşımı ilə diqqət çəkib.
Bakuplus.az xəbər verir ki, o, Mərdəkan qəsəbəsində məişət tullantılarının atıldığı ərazini səhifəsində paylaşaraq bunları deyib:
"Sizi Mərdəkanda yeni istifadəyə verilmiş göllə tanış etmək istəyirəm. Sakinlərin istirahəti üçün burada bütün şərait yaradılıb. Mərdəkanın tam mərkəzində yerləşir. Bura nə Afrika, nə Hindistandır. Bura Bakı şəhəri, Xəzər rayonudur. Məhz bu il ekologiya ilə bağlı Bakıda böyük bir tədbir keçirilir. Xəzər rayonunun aidiyyəti qurumlarına böyük təşəkkür edirəm ki, bizim üçün bu cür gölü təmin ediblər. Hər kəsi buraya istirahətə dəvət edirəm. Qəşəng manqal və samovar çayı qoyaq ki, ağcaqanadlar da uçub getsin və istirahətimiz bol olsun".
