Heydər Əliyev adına Neft Emalı Zavodunda yeni qurğuların modernləşdirilməsi layihəsinin icrası 87%, ümumi proqres isə 80% çoxdur. Bu ilin sonuna qədər işlərin 90%-nin yekunlaşacağı gözlənilir. Bu haqda bu gün, 29 noyabr APA SOCAR-ın layihələr üzrə meneceri Emil Alxaslıya istinadən məlumat verib.
Alxaslı qeyd edib ki, zavodda EURO-5 dizel yanacağının istehsalına 2022-ci ilin ikinci rübündə, AVRO-5 markalı benzinin istehsalına 2023-cü ilin ikinci rübündə başlanılacaq. Layihənin 2023-cü ilin dördüncü rübündə başa çatdırılması gözlənilir.
Neft Emalı Zavodu 1953-cü ildə yaradılmışdır. Layihənin əsas məqsədlərindən biri Bakının ekoloji vəziyyətinin yaxşılaşdırılmasıdır. Köhnəlmiş müəssisələrdə istifadə olunan texnologiyaların beynəlxalq standartlara cavab verən yeniləri ilə əvəzlənməsi nəzərdə tutulur.
[caption id="attachment_15950" align="alignnone" width="896"]
Foto Socar.az[/caption]
