Heydər Əliyev Beynəlxalq Aeroportu Novruz bayramı ilə əlaqədarbəzədilib. Bu haqda bu gün, martın 20-də Bakuplus.az limanın mətbuat xidmətinə istinadən xəbər verir.
“Azərbaycan Hava Yolları” QSC ilə “Azərxalça” ASC arasında əməkdaşlıq çərçivəsində hava limanının ərazisində Azərbaycan mədəniyyətinin zənginliyini əks etdirən unikal instalyasiyalar yaradılıb.
Aeroporta daxil olarkən qonaqları açıq hava altında “uçan xalça” instalyasiyası qarşılayır. Həmçinin hava limanının içində böyük xalça, səməni və yumurtalar görmək mümkündür. Bundan əlavə, Novruz atributları sayılan şəkərbura, paxlava və qoğalı da aeroport ərazisində görmək olar.
Buradakı ab-hava hər bir ziyarətçiyə milli adət-ənənələrin və dəyərlərin ecazkar aləminə qərq olmaq, ölkəmizin mədəni irsi ilə tanış olmaq imkanı yaradır.
[caption id="attachment_133181" align="alignnone" width="640"]
Foto açıq mənbədən[/caption]
