Çingiz Abdullayev telekanalı məhkəməyə verəcək. Bu haqda bu gün, 23 noyabr tarixində Bakuplus.az Qafqazinfo-ya istinadən xəbər verir.
Xalq yazıçısı Çingiz Abdullayev ATV telekanalını məhkəməyə verməyə hazırlaşır. Buna səbəb kanalda yayımlanan “Xəbərin olsun” verilişinin aparıcısı Kubra Məhərrəmovanın sözləri olub.
Belə ki, aparıcı Ç.Abdullayevin əsərlərini “zir-zibil” adlandırıb. Bundan sonra Azərbaycan Yazıçılar Birliyi bəyanat yayaraq telekanaldan aparıcının cəzalandırılmasını istəyib.
“AYB hüquqşünası məhkəməyə şikayət hazırlayır. İddiaçı təşkilat ola bilməz deyə, mənim adımdan yazılacaq. Təzminat 1 manat da olsa, 100 min manat da olsa, özümə götürməyəcəyəm. Hamısını şəhid ailələri üçün köçürəcəyik. Mənə nə o aparıcının, nə də telekanalın pulu lazımdır. Aparıcı danışıb, öz səviyyəsini göstərib”, – deyə yazıçı məsələni şərh edib.
ATV öz növbəsində aparıcıya şiddətli töhmət verdiyini bildirib.
[video width="1920" height="1080" mp4="https://bakuplus.az/storage/photos/2023/11/opens.mp4"][/video]
