Bakıya daha bir elektrikli avtobus gətirilib. Bu haqda bu gün, 28 dekabr tarixində Bakuplus.az Rəqəmsal İnkişaf və Nəqliyyat Nazirliyinə istinadən xəbər verir.
"Bakı şəhərinin mobillik proqramı" çərçivəsində paytaxta sınaq məqsədilə daha bir istehsalçının istismarda olmuş elektrik mühərrikli avtobusu gətirilib.
Nəqliyyat vasitəsi “Zhongtong Bus Holding Co. LTD” şirkətinə məxsusdur və Özbəkistandan Bakıya yenidən istismar üçün gətirilib. Avtobusun ümumi sərnişin tutumu 85 nəfərdir.
Məqsəd elektrik mühərrikli avtobusların məhz bir müddət istismar olunduqdan sonra necə işləyəcəyini və mövcud şəraitə uyğunluğunu yoxlamaqdır.
Yaxın günlərdə isə ölkəmizə digər şirkətin istehsal etdiyi daha bir elektrik mühərrikli avtobusu gətiriləcək.
Cari ilin əvvəllərindən Bakı yollarında Çinin “BYD” şirkətinin elektrik avtobusu fəaliyyətə başlayıb.
