Kəlbəcərdə saxlanılan erməni diversantın Bakıda məhkəməsi keçirilib. Bu haqda bu gün, 7 dekabr tarixində Bakuplus.az APA-ya istinadən xəbər verir.
Sabunçu Rayon Məhkəməsinin inzibati binasında baş tutan prosesə Gəncə Ağır Cinayətlər Məhkəməsinin hakimi Abdulla Məmmədov sədrlik edib. Erməni diversant Voskanyan Qaqik Aşotoviç 18 il müddətinə azadlıqdan məhrum edilib.
O, cari ilin avqust ayında Azərbaycan-Ermənistan dövlət sərhədinin Kəlbəcər rayonu ərazisindən keçən hissəsində saxlanılmışdı. Onun barəsində odlu silah və döyüş sursatının qaçaqmalçılığı, odlu silahdan istifadə etməklə terrorçuluq, qanunsuz olaraq odlu silah əldə etmə, daşıma, saxlama, eləcə də zor tətbiq etməklə milli düşmənçiliyin salınmasına aşkar surətdə yönələn hərəkətlər etmə və dövlət sərhədini qanunsuz olaraq keçmə maddələri ilə cinayət işləri açılmışdı.
