Kinorejissor, Əməkdar incəsənət xadimi Şamil Mahmudbəyovun həyat və yaradıcılığını əks etdirən sənədli film çəkiləcək. Bu haqda bu gün, 11 yanvar tarixində Bakuplus.az Azərtac-a istinadən məlumat verir.
Çəkiliş rejissorun 100 illiyinə həsr olunub. Filmin ssenari müəllifi Tahir Tahiroviç, rejissoru Aydan Əhmədova, operatoru Rafiq Əliyev, prodüseri Əli İsa Cabbarovdur.
Filmin çəkilişlərinin bu ayın sonunda başlanacağı bildirilir.
1924-cü ildə Naxçıvanda anadan olmuş sənətkar Şamil Mahmudbəyov 73 yaşında Bakıda dünyasını dəyişib. Mahmudbəyov “Romeo mənim qonşumdur”, “Şərikli çörək”, “Dərviş Parisi partladır” kimi filmlərin müəllifidir.
