Kliniki Tibbi Mərkəz zəhərlənmələrlə bağlı ötən ayın statistikasını paylaşıb. Bu haqda bu gün, 2 fevral tarixində Bakuplus.az tibb müəssisəsinə istinadən xəbər verir.
Belə ki, yanvar ayı ərzində mərkəzin toksikologiya şöbəsinə 1161 nəfər müraciət edib. Onlardan 128-i xəstəxanaya yerləşdirilib. Digərlərinə ilkin tibbi yardım göstərildikdən sonra evə buraxılıblar.
Xəstəxanaya yerləşdirilənlərdən 59-u dərmandan, 20-si sirkə turşusundan, 18-i dəm qazından, 11-i alkoqollu içkidən zəhərlənib. Eləcə də 4-ü anafilaksiya, 11-i allergik reaksiya, 5-i isə botulizm səbəbindən xəstəxanaya yerləşdirilib. Xəstələrdən 4-ünün həyatını xilas etmək mümkün olmayıb.
