Cari ilin aprel ayında Nardaran qəsəbəsi, Ləhiş bağları yaşayış massivində 69 yaşlı Kamran Bəkirovun öldürülməsi ilə bağlı Sabunçu Rayon Prokurorluğunda cinayət işinin istintaqı yekunlaşıb. Bu haqda bu gün, 10 oktyabr tarixində Bakuplus.az Report-a istinadən məlumat verir.
İstintaq zamanı məlum olub ki, Mustafa Zeynalov və qohumu Namiq Əliyev cinayət əlaqəsinə girərək üzərində olan külli miqdarda pul vəsaitini ələ keçirmək məqsədilə Kamran Bəkirovu xüsusi amansızlıqla qəsdən öldürüblər. Daha sonra cinayətin izlərini gizlətmək məqsədilə meyiti su quyusuna atıb, pulu ələ keçiriblər.
Toplanmış sübutlar Bakı Ağır Cinayətlər Məhkəməsinə göndərilib.
Qətlə yetirilən Kamran Bəkirovun qızı tanınmış iş xanımı, rəssam-modelyer Elnarə Bəkirovadır.
