Qaradağ rayonu, Lökbatan qəsəbəsində ağır qəza törədən 21 yaşlı tələbəyə hökm oxunub. Bu haqda bu gün, 15 mart tarixində Bakuplus.az Qafqazinfo-ya istinadən xəbər verir.
Qaradağ Rayon Məhkəməsin qərarına əsasən, Hüseynağa Xıdırov 5 il 1 ay müddətinə azadlıqdan məhrum edilib.
Hadisə ötən ilin yayında baş verib. H.Xıdırov icarəyə götürdüyü “Toyota Prius” markalı avtomobillə taksi fəaliyyəti göstərirdi. O, avtomobillə “Sədərək” ticarət mərkəzi istiqamətində hərəkətdə olan zaman yolu keçən piyada Mehriban Musayevanı vurub. Nəticədə qadın hadisə yerində keçinib.
Təqsirkar mərhumun ailəsinə 5000 manat ödəyə biləcəyini deyib. Lakin qarşı tərəf bu məbləği qəbul etməyib.
Əlavə olaraq, onun cəzası bitdikdən sonra 2 il avtomobil idarə etmək hüququ da məhdudlaşdırılıb.
