Azərbaycan İlahiyyat İnstitutunun yanında Bakı İlahiyyat Kolleci yaradılıb. Bununla bağlı Baş nazir Əli Əsədov müvafiq sərəncam imzalayıb. Bu haqda bu gün, 11 dekabr tarixində Bakuplus.az məlumat verir.
Qərara əsasən, Dini Qurumlarla İş üzrə Dövlət Komitəsi “Publik hüquqi şəxslər haqqında” qanunla müəyyən edilmiş qaydada kollecin dövlət qeydiyyatına alınması üçün tədbirlər görməlidir.
İqtisadiyyat Nazirliyi də öz növbəsində dövlət qeydiyyatına alındığı gündən iki ay müddətində kollecin inzibati bina ilə təmin edilməsi məsələsinin həlli ilə bağlı təkliflərini Nazirlər Kabinetinə təqdim etməlidir.
