“Bakı Ağ şəhər” layihəsinin icraçı direktoru Ruslan Sadıxov dövlətimizin başçısına görülən işlər barədə məlumat verib.
Ümumilikdə 1650 hektar ərazini əhatə edən “Bakı Ağ şəhər”də müxtəlif üslublu 10 rayonun salınması, 120.000 yaşayış və xidmət obyektinin tikintisi, 350 hektar landşaft işlərinin görülməsi, 10 kilometr bulvar xəttinin yaradılması nəzərdə tutulub. İndiyədək 91 binanın inşası yekunlaşıb. Layihənin tam yekunlaşmasından sonra burada 280.000 sakin yaşayacaq və 240.000 iş yeri yaradılacaq.
Ərazidə ictimai yerlərin tikintisi artıq başa çatıb. Müxtəlif küçələrin tikintisi, yeraltı kommunikasiya infrastrukturunun qurulması ilə bağlı işlər də yekunlaşıb.
Həmçinin əlil arabaları üçün panduslar, yerüstü piyada keçidləri, qoruyucu dayaqlar tikilib, videomüşahidə kameraları qurulub, İT kanal sistemləri çəkilib.
Burada dağdağan parkı salınıb ki, ərazidəki ağaclar Qarabağdan gətirilib.
Bundan əlavə, Prezident “Ağ şəhər”də yerləşən ofis binası ilə tanış olub. Sözügedən tikili BREEAM ekoloji sertifikatı alan və yaşıl bina standartlarına uyğunluğu təsdiq olunan növbəti binadır. Burada 150 ofis yerləşir, ətrafında isə yaşıllıq salınıb, yaşı 1000 ildən çox olan nadir zeytun ağacı əkilib.
12:33 - İlham Əliyev “Bakı Ağ şəhər”ə gedib
Ölkə başçısı “Ağ şəhər”i ziyarət edib. Bu haqda bu gün, 22 yanvar tarixində Bakuplus.az Prezidentin rəsmi saytına istinadən xəbər verir.
Azərbaycan Respublikasının Prezidenti İlham Əliyev “Bakı Ağ şəhər”in Mərkəzi Park Kvartalına baş çəkib. Ölkə başçısı burada həyata keçirilən inşaat, infrastruktur və abadlıq işləri, həmçinin tikintisi yekunlaşan “Bakı Ağ Şəhər” ofis binasında yaradılan şəraitlə tanış olub.
[URIS id=127111]
