Ölkəyə qanunsuz gətirilən “iPhone”lar aşkarlanıb. Bu haqda bu gün, 1 dekabr tarixində Bakuplus.az Dövlət Gömrük Komitəsinə istinadən xəbər verir.
Gömrük Komitəsinə daxil olan məlumat əsasında keçirilən əməliyyat zamanı Heydər Əliyev adına hava limanının avtodayanacağında 1 nəfər saxlanılıb. Onun “Chevrolet” markalı avtomobilində 14 ədəd “iPhone” markalı mobil telefon və 3 qutu tütün məmulatı aşkar edilib.
Həmin şəxs Moskva-Bakı aviareysi ilə gələn bir qrup sərnişinlərdən mobil telefon və tütün məmulatlarını alaraq ölkə ərazisində satmağa cəhd etmək istəyirdi.
