"Location” gecə klubundakı partlayışa görə həbs olunanların şikayətinə baxılıb. Bu haqda bu gün, 6 dekabr tarixində Bakuplus.az APA-ya istinadən xəbər verir.
Əziz Seyidovun sədrliyi ilə keçirilən prosesdə məhkəmə kassasiya şikayətini təmin etməyib.
Bakı Ağır Cinayətlər Məhkəməsinin hökmü ilə Rəsul Rəsulov 5 il, Orxan Səfərli 4 il müddətinə azadlıqdan məhrum edilmişdilər.
2022-ci ilin 3 aprel tarixində “Location” gecə klubunda partlayış baş verib. Nəticədə 1 nəfər ölüb, 37 şəxs müxtəlif dərəcəli bədən xəsarətləri alıb, 14 avtomobil, 1 mənzil və 2 qeyri-yaşayış obyektinə ziyan dəyib.
