Bir neçə gün əvvəl Mədəniyyət və İncəsənət Universiteti (ADMİU) üçün teatr binasının tikintisi ilə bağlı məlumat yayılıb. Universitetin təsərrüfat hesablı tikinti və təchizat şöbəsi artıq tikinti işlərinə hazırlığa başlayıb. Teatr binasının harada yerləşəcəyi məlum olub. Bu haqda bu gün, 25 dekabr tarixində Bakuplus.az Oxu.az-a istinadən məlumat verir.
Teatr binası Yasamal rayonu, Akademik Lətif İmanov küçəsi, 6 ünvanında tikiləcək. Həmin binada ADMİU-nun nəzdində “Səda” tədris teatrı fəaliyyət göstərirdi.
"Artıq bir neçə ildir ki, teatrın binası qəzalı və istifadəyə yararsız vəziyyətdə idi. Bir neçə gün öncə Elm və Təhsil Nazirliyi ADMİU-nun teatr binasının tikilməsi ilə bağlı müsabiqə elan edib. Müsabiqənin nəticələrinə uyğun olaraq, tikinti işlərinin Səda Tədris Teatrının yerində aparılması nəzərdə tutulur”, – deyə universitetdən bildirilib.
