Mənzil İnşaatı Dövlət Agentliyi (MİDA) Bakının Hövsan qəsəbəsində mənzillərin növbəti dəfə güzəştli satışına başlayır. Bu haqda agentliyə istinadən Bakuplus.az məlumat verir.
Gələcək mərhələdə Zığ şosesi - Hava Limanı, 12-ci km, 22 ünvanında yerləşən Hövsan Yaşayış Kompleksinin 18 mənzilinin, Hava Limanı - Zığ şosesi, 8-ci km, 10L ünvanında yerləşən Hövsan Yaşayış Kompleksinin 379 mənzilinin satışı 16 dekabr 2023-cü il tarixində saat 11:00-da başlayacaq və 23 dekabr 2023-cü il saat 11:00-dək davam edəcək.
Vətəndaşlar müraciəti “Güzəştli mənzil” sistemindən istifadə edərək www.mida.gov.az internet saytı vasitəsilə göndərə bilərlər.
Satışa çıxarılan mənzillər tam təmirli, mətbəx mebeli, kombi isitmə sistemi (kombi cihazı daxil olmaqla), su, qaz və elektrik sayğacları ilə təmin edilmiş vəziyyətdə təklif olunur.
Həmçinin mənzillər Sumqayıt və Gəncə şəhərlərində təklif olunur.
