Həbsxanada məktəb direktoru olmuş Əmrah Səfərov barəsində cinayət işi başlanılıb. Bu haqda bu gün, 19 oktyabr tarixində Bakuplus.az Qafqazinfo-ya istinadən xəbər verir.
Səfərov 1 saylı cəzaçəkmə müəssisəsinin ərazisində fəaliyyət göstərən 2 saylı xüsusi əyani-qiyabi məktəbin direktoru olub. Verilən məlumata görə, o, 63.636 manat məbləğində pul mənimsəməkdə ittiham olunur.
Bu məhkəmə prosesi bitənə qədər təqsirləndirilən şəxs barəsində polisin nəzarəti altına vermə qətimkan tədbiri seçilib. Zərərçəkmiş qismində Bakı Şəhəri üzrə Təhsil İdarəsi tanınıb.
Məhkəmə prosesi Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçiriləcək.
