Məleykə Abbaszadə Azərbaycan Respublikasında təhsil sahəsində uzunmüddətli səmərəli fəaliyyətinə görə “Şərəf” ordeni ilə təltif olunub. Prezident İlham Əliyev müvafiq Sərəncam imzalayıb. Bu haqda bu gün, 21 fevral tarixində Bakuplus.az məlumat verib.
Məleykə Abbaszadə 1953-cü ilin 23 fevral tarixində Bakı şəhərində anadan olub. Abbaszadə 2000-ci ilin oktyabr ayından TQDK-nın sədri olub, 2016-cı ildə isə Azərbaycan Respublikasının Dövlət İmtahan Mərkəzinin Direktorlar Şurasının sədri vəzifəsinə təyin edilib.
2013-cü ilin fevral ayında Azərbaycan Respublikasında təhsilin qiymətləndirilməsi sahəsində müasir texnologiyaların səmərəli tətbiqinə görə Məleykə Mehdi qızı Abbaszadə “Şöhrət” ordeni ilə təltif edilmişdir.
