Paytaxtın Xətai rayonunda yerləşən 17 saylı tam orta məktəbin müəllimi öz şagirdini narkoman valideynlərdən qurtarıb. Bu haqda bu gün, 2 iyun tarixində Bakuplus.az Xəzər Xəbər-ə istinadən məlumat verir.
Sözügedən təhsil ocağının birinci sinif şagirdinin dərslərə müntəzəm olaraq gəlməməsi onun müəllimini şübhələndirib.
“Hər dəfə anasına zəng vuranda fərqli bəhanələr deyirdi. Həmişə arayış təqdim etdiyi üçün tədbir görə bilmirdim”, - deyə azyaşlı şagirdin müəllimi bildirib.
Növbəti dəfə, qızcığaz 1 aya yaxın dərsə gəlməyəndə, müəllim anası ilə əlaqə saxlamaq istəsə də o, cavab verməyib. Daha sonra uşağın atası müəllimə video göndərib. Görüntülərdə şagirdin anasının narkotik təsiri altında qıvrıldığı əks olunub. Həmçinin atasının da normal vəziyyətdə olmadığı hiss olunub.
Dərhal müvafiq orqanların nümayəndələri ilə şagirdin evinə yollanan müəllim ürəkağrıdan mənzərə ilə qarşılaşıb.
“Çarpayı yoxdur. Uşaq yerdə yatırdı. Soyuducuda yemək yox idi ”
Valideynlərin himayəsindən götürülərək sığınacağa yerləşdirilən uşaq cənnətdə olduğunu dilə gətirib. O, təhsilini də bərpa edib.
[URIS id=46913]
