Xətai rayonunda yerləşən Müqəddəs Məryəm katolik kilsəsində bərpa işləri başa çatıb. Bu haqda 2 dekabr tarixində Report xəbər verib.
Heydər Əliyev Fondu tərəfindən aparılan təmir-bərpa işlərindən sonra, Müqəddəs Məryəm katolik kilsəsində hidroizolyasiya təmin olunub və dam örtüyü əsaslı təmir olunub.
Bundan əvvəl Fond tərəfindən 2008-ci ildə katolik kilsənin asma tavan şüşələri dini mövzuda və klassik vitraj texnikasında işlənmiş bədii şüşələrlə əvəz edilmişdir, həmçinin məbədin fasadında keramik panno yerləşdirilmişdir.
Qeyd edək ki, Müqəddəs Məryəm katolik kilsəsi 2008-ci ilin mart ayından istifadəyə verilib.
