Paytaxtın Xəzər rayonunda yerləşən Mərdəkan avtomobil şosesinin Qala-Pirallahı avtomobil şosesi ilə kəsişməsində yeni keçidin yeri müəyyənləşdirilib və ilkin işlər də görülüb. Bu haqda Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli məlumat verib.
Keçidin ümumi uzunluğu 91,5 metr, keçid qalereyasının özünün uzunluğu 62,9 metr, daxili hündürlüyü 4,5 metr, yol səviyyəsindən hündürlüyü isə 5,35 metr təşkil edəcək. Keçid panduslarla təchiz olunacaq. Tikintinin dəqiq başa çatma tarixi hələlik məlum deyil.
Statistikaya görə, avtomobil yolunun bu hissəsi piyadalar və sürücülər üçün daha təhlükəlidir. Yolun yüksək sürəti və eni səbəbindən toqquşmalar çox vaxt ölümlə nəticələnir.
[caption id="attachment_29823" align="alignnone" width="800"] Foto Bakuplus.az[/caption]
