Bakının mərkəzində təzə salınan velosiped zolaqlarının üzərinə yaşıl boya çəkilir. Bu haqda bu gün, 21 dekabr tarixində Bakuplus.az Azərbaycan Yerüstü Nəqliyyat Agentliyinə (AYNA) istinadən xəbər verir.
Tədbirlər yol kəsişmələrində təhlükəsizlik tədbirlərinin artırılması məqsədilə həyata keçirilir. Verilən məlumata görə, yaşıl boya velosipedlərin hərəkətinin üstün olduğunu bildirir və nəqliyyat vasitələri tərəfindən zolaqla hərəkət edən velosipedçi, skuterçilərə yol verilməsini tələb edir.
Həmçinin boya həmin kəsişmələrdə sürücülərdən mikromobillik vasitələrinə daha diqqətli olmağı tələb edir.
[caption id="attachment_124011" align="alignnone" width="640"]
Foto Azərbaycan Yerüstü Nəqliyyat Agentliyi[/caption]
