Mərkəzi Neftçilər Xəstəxanasının şöbəsi əsaslı təmir olunub. Bu haqda bu gün, 18 dekabr tarixində Bakuplus.az Report-a istinadən xəbər verir.
Mərkəzi Neftçilər Xəstəxanasının Anesteziologiya, reanimasiya və intensiv terapiya şöbəsinin əsaslı təmirindən sonra açılışı baş tutub.
Tədbirdə İcbari Tibbi Sığorta üzrə Dövlət Agentliyinin idarə heyətinin sədri Zaur Əliyev, TƏBİB-nin icraçı direktoru Vüqar Qurbanov iştirak ediblər.
Sözügedən xəstəxananın şöbəsi 1985-ci ildən fəaliyyətə başlayıb. Şöbə tamamilə yeni və ən müasir hemodializ və süni tənəffüs aparatları, tam təminatlı kardiomonitorlar, infuzomatlar, perfuzorlar, videolarinqoskop, sorucu cihaz, defibrilyator, çoxfunksiyalı çarpayılar, portativ rentgen, USM, EXO cihazları, qan qızdırıcı, havalı döşəklər və s. ilə təmin olunub.
Burada 24 çarpayıdan ibarət 8 otaq mövcuddur və hər bir otağın ayrıca hepafiltr və havalandırma sistemi mövcuddur.
[caption id="attachment_123743" align="alignnone" width="640"]
Foto Report.az[/caption]
