Mərkəzi Seçki Komissiyası (MSK) qarşıdan gələn prezident seçkilərində Yeni Azərbaycan Partiyasından (YAP) İlham Əliyevin namizədliyini qeydə alıb. Bunu bu gün, 30 dekabr tarixində keçirilən iclasının yekunlarına dair MSK-nın sədri Məzahir Pənahov deyib.
Dekabrın 15-də YAP İdarə Heyəti İlham Əliyevin prezidentliyə namizədliyini irəli sürüb. YAP dekabrın 16-da İlham Əliyevin prezidentliyə namizədliyi ilə bağlı sənədləri MSK-ya təqdim edib.
Mərkəzi Seçki Komissiyası dekabrın 19-da İlham Əliyevin prezidentliyə namizədliyini təsdiqləyib.
YAP dekabrın 26-da İlham Əliyevin müdafiəsi üçün topladığı 50 min seçici imzasının olduğu imza vərəqələrini Seçki Məcəlləsinin 58.1-ci maddəsinə əsasən, tələb olunan digər sənədlərlə birlikdə MSK-ya təqdim edib.
7 fevral 2024-cü ildə Azərbaycanda növbədənkənar prezident seçkiləri keçiriləcək.
