Mövlud Çavuşoğlu Şəhidlər xiyabanını ziyarət edib. Bu haqda bu gün, 4 aprel tarixində Bakuplus.az Report-a istinadən xəbər verir.
Türkiyə Böyük Millət Məclisinin NATO Parlament Assambleyasındakı Nümayəndə Heyətinin rəhbəri Mövlud Çavuşoğlu Şəhidlər xiyabanını ziyarət edib. O, şəhidlərin xatirəsini ehtiramla yad edib, məzarları üzərinə tər güllər düzüb. Həmçinin "Əbədi məşəl" abidəsi önünə əklil qoyulub.
Bundan əlavə, Çavuşoğlu Fəxri xiyabana gələrək ümummilli lider Heydər Əliyevin xatirəsini ehtiramla yad edib, məzarı üzərinə əklil qoyub. Daha sonra oftalmoloq-alim akademik Zərifə Əliyevanın xatirəsi ehtiramla anılıb, məzarı üzərinə tər güllər düzülüb.
Mövlud Çavuşoğlunun səfəri 5 aprel tarixində başa çatacaq.
[caption id="attachment_134218" align="alignnone" width="640"]
Foto Report.az[/caption]
