Bakıda 19 yanvar tarixindən M8 ekspres marşrut xəttinin hərəkət sxemi dəyişdirilib. Bu haqda Bakı Nəqliyyat Agentliyi məlumat verib.
Dəyişikliyə əsasən, M8 xətti üzrə hərəkət edən avtobusların Ziya Bünyadov prospekti Böyükşor qovşağı yaxınlığındakı dayanacaq məntəqəsi ləğv edilir. Maştağa qəsəbəsi - Gənclik metrostansiyası istiqamətində hərəkət edən avtobus, 19 yanvar tarixindən “Koroğlu” Nəqliyyat Mübadilə Mərkəzinin yanından keçəcək.
Metronun “Gənclik” stansiyası istiqamətində M8 xətti ilə hərəkət edəcək sərnişinlərdən ikinci perrondan istifadə etmələri xahiş olunur.
